nikipedia


આકડો
5 જાન્યુઆરી, 2010, 5:44 પી એમ(pm)
Filed under: ઉખાણાં | ટૅગ્સ: , , ,
Calotropis procera by dinesh_valke.

આકડો

પુષ્પ વસે મુજ વ્રુક્ષ, કુ-વાટે પણ હું છાજું,

વસું સર્વ સ્થળ વિષે, બાગમાં પણ ન બિરાજું;

પુષ્પ ચડે મુજ દેવ, હનુમંત-શિષ વિરાજે,

વ્રુક્ષ વિષે છે દૂધ, ક્ષુધા કોની નવ ભાંજે;

ત્રણ અક્ષ્રરનો નર જાણશો, રોગ પત્રથી જાય છે;

વાટે ઘાટે ને દશ દિશે, મુજ જાતિ બહુ થાય છે.

ઉત્તર – આકડો

(હનુમંત – હનુમાન, ક્ષુધા – ભૂખ , ભાંજે – ભાંગે, પત્ર – પાંદડા)

Advertisements


ટાઢ
5 જાન્યુઆરી, 2010, 3:15 પી એમ(pm)
Filed under: ઉખાણાં | ટૅગ્સ: , , , , , ,

La Frileuse / Winter by Jean-Antoine Houdon by peterjr1961.

કોઇ કહે તાવ, તેથી જો ધ્રૂજે તનડું,

શકે વળગી કો ભૂત, તેથી જો ભમતું મનડું;

થયો કંપવા કહે, ડિલ તેથી થરથરતું,

બત્રીસી કડ્કડે, શિર પણ સ્થિર ન ઠરતું;

કો કો તો જાદુગર કહે, ફક ફક વરાળ મુખ ધસે;

એ રોગ જાય પણ પલક્માં, કહો એ કૌતક શું હશે?

ઉત્તર –  ટાઢ

Winter by Jean- Antoine Houdon

 



વરસાદ

Cloudy... by Kah27.

ઝંખું હું નિશદિન, મિત્ર તુજ મળવા માટે,

સુકાયું મુજ શરીર, તુજ વિયોગ ઉચાટે;

દિન ગણંતાં માસ, વીત્યા પણ તું નહિ આવ્યો,

મુજ જાતિમાં તેં જ, અતિશય શોક કરાવ્યો;

વળી ઝાડ પાન સૌ વનસ્પતિ, તુજ વિયોગે બહુ બળે;

તું આવ પ્રેમી ઉતાવળો, તો હૈયે મુજ ટાઢક વળે.

ઉત્તર – વરસાદ



ટાંકું
23 ઓગસ્ટ, 2009, 7:54 પી એમ(pm)
Filed under: ઉખાણાં | ટૅગ્સ: , , ,

ઢમઢોલ માંહે પોલ, ઉપર છત્તરછાયા;

મારો ઉખાણો કહે તેને આપું સોનાના પાયા.

ઉત્તર – ટાંકું

જુના જમાનામાં અડાલજની વાવ જેવા પાણીનાં ટાંકા રહેતા જેના પર છત્રીઓ બાંધવામાં આવતી અને ક્યારેક એ ઓટલા બેઠ્કો રહેતી તો ક્યારેક પંખીઓને ચણ નાંખવાના ચબુતરામાં ફેરવી નંખાતી.



ચોખંડી નગરી ચાર દરવાજા
ચોપાટ
ચોપાટ

ચોખંડી નગરી ચાર દરવાજા,

સોળ રાજા ને સાત સિપાઈ;

તેનો જવાબ, કહો તમે મહારાજા.

ઉત્તર – બાજી, સોગઠાં અને કોડીઓ.



આંખો
23 ઓગસ્ટ, 2009, 7:30 પી એમ(pm)
Filed under: ઉખાણાં | ટૅગ્સ: , , , ,
આંખો

આંખો

કમળ પર બે કમળ, કમળ છે સજળ;

સજળ વળી વિકળ, હરિ કળા અકળ.

ઉત્તર – આંખો 



ડુંગળી
23 ઓગસ્ટ, 2009, 6:58 પી એમ(pm)
Filed under: ઉખાણાં | ટૅગ્સ: , , , ,
ડુંગળી

ડુંગળી

આટ્લા સરખા ગોરધનદાસ,

લૂગડાં પહેરે પાંચપચાસ.

ઉત્તર –  ડુંગળી